يا سلام على جمال لحظة وحِده .. بتقعد
فيها مع نفسك وتنسى العالم بهمومه ومشاكله , بحلوه وبمره
لحظه : ماتعملش فيها حاجه غير انك تفتح شباك أوضتك وتتنح للسما .. وتسمح للشمس بفرصة تغطي فيها سريرك وتنور روحك .
ليه الواحد مننا بيحرم نفسه من لحظة زي دي ؟! .. وبيتحجج انه مشغول لدرجة انه مش لاقي وقت يقعد فيه مع نفسه .
ابشع حاجه فى الدنيا انك ما تلاقيش الوقت ده .. لأنك لو استمريت على كده هايجيلك فترة من كتر ما بتنسي نفسك هي كمان هاتنساك .. ومن كتر ما اتخليت عنها فى عز احتياجها ليك ..هي كمان هاتتخلي عنك فى عز احتياجك ليها !
وساعتها هاتحس انك ضايع وسط الناس وضايع حتي وانت لوحدك .
فيه بقى ناس بتخاف تقعد مع نفسها .. مشكلتهم مش مشكلة وقت قد ما هي مشكله خوف !
خوف من الوحِده أو خوف من مواجهة النفس .. بيكونوا خايفين نفسهم تقسى عليهم او همه يقسوا عليها
, بس على فكرة.. من غير ما تقسي على نفسك وتزعلها مش هاتعرف تصالحها ! .. ومن غير ما هي تقسي عليك وتلومك برضه مش هاتقدر تصالحك .
كتير بنسمع جملة فلان ده متصالح مع نفسه أو انا اتصالحت مع نفسي وبنبقي مبسوطين واحنا بنقولها باعتبار ان التصالح مع النفس ده حاجه كويسه .
هو اكيد حاجه كويسه , بس عمرك ما هاتصالح نفسك الا اذا كنت مزعلها او هي مزعلاك ..
علشان كده ما تخافوش تواجهوا نفسكم ولا تخافوا من عتباها ولومها .. وعلي رأي المثل " ما تصالح الا بعد خصام " .:D
بالطريقه دي الخصام حاجه مفيده بس بشرط يتبعه تصالح يرجع علاقتك باللي خاصمته أقوي من الاول ويمحي كل الحساسيات اللى اتولدت بينكم .
مش شرط فى لحظة الوحده دي انك تقعد تفكر وتعصر دماغك .. أو انك تلوم نفسك وتعذبها .. حتي لو هاتصالحها بعد كده .
ممكن اللحظه دي تبقي مجرد تأمل في أي حاجه جميله حواليك .. او حتي محاوله لأكتشاف حاجه جميله تتأمل فيها .
انا شخصيا أكتر حاجه بحب أتأمل فيها وانا لوحدي هي " الشمس " , _ أكيد مش بفضل متنحه لقرص الشمس يعني كده هاتعمي _ لكن بيكفيني أتأمل فى جمال وقوة وتوهج شعاع واحد شارد من نور الشمس
ساب العالم كله ودخل أوضتي انا بالذات .. دخل الأوضه مخصوص علشان ينورها وينورني
شعاع لما صدق فتحتله الشباك علشان يدخل .. كأنه كان مستنيني .
بذمتكم مش حاجه تستحق التأمل !!
لحظه : ماتعملش فيها حاجه غير انك تفتح شباك أوضتك وتتنح للسما .. وتسمح للشمس بفرصة تغطي فيها سريرك وتنور روحك .
ليه الواحد مننا بيحرم نفسه من لحظة زي دي ؟! .. وبيتحجج انه مشغول لدرجة انه مش لاقي وقت يقعد فيه مع نفسه .
ابشع حاجه فى الدنيا انك ما تلاقيش الوقت ده .. لأنك لو استمريت على كده هايجيلك فترة من كتر ما بتنسي نفسك هي كمان هاتنساك .. ومن كتر ما اتخليت عنها فى عز احتياجها ليك ..هي كمان هاتتخلي عنك فى عز احتياجك ليها !
وساعتها هاتحس انك ضايع وسط الناس وضايع حتي وانت لوحدك .
فيه بقى ناس بتخاف تقعد مع نفسها .. مشكلتهم مش مشكلة وقت قد ما هي مشكله خوف !
خوف من الوحِده أو خوف من مواجهة النفس .. بيكونوا خايفين نفسهم تقسى عليهم او همه يقسوا عليها
, بس على فكرة.. من غير ما تقسي على نفسك وتزعلها مش هاتعرف تصالحها ! .. ومن غير ما هي تقسي عليك وتلومك برضه مش هاتقدر تصالحك .
كتير بنسمع جملة فلان ده متصالح مع نفسه أو انا اتصالحت مع نفسي وبنبقي مبسوطين واحنا بنقولها باعتبار ان التصالح مع النفس ده حاجه كويسه .
هو اكيد حاجه كويسه , بس عمرك ما هاتصالح نفسك الا اذا كنت مزعلها او هي مزعلاك ..
علشان كده ما تخافوش تواجهوا نفسكم ولا تخافوا من عتباها ولومها .. وعلي رأي المثل " ما تصالح الا بعد خصام " .:D
بالطريقه دي الخصام حاجه مفيده بس بشرط يتبعه تصالح يرجع علاقتك باللي خاصمته أقوي من الاول ويمحي كل الحساسيات اللى اتولدت بينكم .
مش شرط فى لحظة الوحده دي انك تقعد تفكر وتعصر دماغك .. أو انك تلوم نفسك وتعذبها .. حتي لو هاتصالحها بعد كده .
ممكن اللحظه دي تبقي مجرد تأمل في أي حاجه جميله حواليك .. او حتي محاوله لأكتشاف حاجه جميله تتأمل فيها .
انا شخصيا أكتر حاجه بحب أتأمل فيها وانا لوحدي هي " الشمس " , _ أكيد مش بفضل متنحه لقرص الشمس يعني كده هاتعمي _ لكن بيكفيني أتأمل فى جمال وقوة وتوهج شعاع واحد شارد من نور الشمس
ساب العالم كله ودخل أوضتي انا بالذات .. دخل الأوضه مخصوص علشان ينورها وينورني
شعاع لما صدق فتحتله الشباك علشان يدخل .. كأنه كان مستنيني .
بذمتكم مش حاجه تستحق التأمل !!
ليست هناك تعليقات:
إرسال تعليق